Presidenti i Serbisë Aleksandar Vuçiq bënë të ditur se do të nënshkruhet një memorandum me kompaninë turke “Taip”, e cila do të investojë në Kralevë dhe do të punësojë 2,500 vetë në atë qytet.

Vuçiq, në një konferencë të përbashkët shtypi me Presidentin turk Rexhep Tajip Erdogan, falënderoi investitorët turq për këtë, por gjithashtu për të gjitha investimet e tjera në Serbi.

Presidenti turk Rexhep Tajip Erdogan po qëndron për vizitë tre ditore në Turqi. Ai është pritur mbrëmë nga Vuçiqi në aeroportin Nikola Tesla.

Sot dyja shtetet janë dakorduar për  një deklaratë të përbashkët politike mbi themelimin e Këshillit të Lartë për Bashkëpunim midis Serbisë dhe Turqisë sot në Beograd.

Nesër, presidenti Erdogan do të vizitojë Novi Pazarin, ku do të bisedojë me krerët e komunave Novi Pazar, Rashka, Kralevë, Senicë, Tutin, Prijepole, Nova Varosh dhe Priboj. Së bashku me presidentin turk kanë ardhur edhe përfaqësues dhe pronarë të disa kompanive të mëdha turke nga sektorë të ndryshëm, sikurse janë turizmi, ndërtimtaria, bujqësia e deri te sektori i metalit dhe industria e përpunimit.

/arbresh.info/